يا عين من تبكين غير المحبين
عزّ الله ان حنّا فقدنا فقيده
مات العزيز اللي تحبه ملايين
سعد.. سعدنا في الليالي الشديده
سعد.. سعد لا احمرّت العين للعين
انا اشهد انه في المواقف وليده
سجّل له التاريخ في عام تسعين
علمي بقى للذاكرة تستعيده
عطّر سجله بين الأقصى والأدنين
بالحلم.. والحكمة.. والاريا السديده
والشعب له في كل حالي موالين
ما يذكرون الا العلوم الحميده
ما يذكرون الا الوفا والنبا الزين
رصيدهم حُبّ.. ووفاهم رصيده
يا الله ياللي لك عبادك مصلين
يا الواحد اللي يرتجونه عبيده
ترحم سعد.. يا من بًيَدْك الموازين
وتعوضه بخضر الجنان السعيده
شعر
مبارك الهاجري
الجمعة مايو 16, 2008 3:55 pm